Samandráttur.
Línuskip: Fimm eru á landgrunninum. Tey fiska mest av toski og hýsu og so nakað av longu og brosmu. Vit rokna við at ein landar fyrst í vikuni og so møguliga okkurt síðst í vikuni. Fiskaríið er smáligt.
Útróður: Streymurin verður góður og veðri verður eisini hampuligt, so vit rokna við nakað av útróðri. Bátarnir fáa mest av hýsu og so toski.
Djúpvatnstrolarar:Bara ein er til fiskarí og fiskar hann vestanfyri eftir kongafiski. Hann landar síðst í vikuni.
Partrolarar: Øll, uttan tvey, pør eru til fiskarí. Øll pørini fiska upsa og er fiskaríið tíverri smáligt fyri tíðina. Skipini landa sum vikan gongur.
Trolbátar: Allir liggja við bryggju.
Garnaskip: Tvey fiska svartkalva og koma bæði at landa síðst í vikuni. Fiskaríið er smáligt. Eitt fiskar havtasku og hevur tað brúligan fiskiskap. Tað landar miðskeiðis í vikuni.
Heinta veðurforsøgnina her
Heinta alla metingina her