Meting fyri viku 50, 2019

Samandráttur.

Línuskip: Sjey línuskip eru til fiskarí og koma allir at landa í vikuni. Ein landar mánadagin og hinir miðskeiðis ella síðst í vikuni. Tvey eru á Íslandsrygginum og hini fimm eru á landgrunninum. Skipini fáa mest av toski og hýsu og so nakað av svartkalva, longu og brosmu. Vantandi fer okkurt línuskip avstað í næstum.

Útróður: Streymurin harðnar sum vikan gongur og veðri verður nakað umskiftandi, so tað verður nokk ikki tað stóra av útróðri. Fiskaríið er gott.

Djúpvatnstrolarar: Tveir fiskar kongafisk og koma helst at landa miðskeiðis ella síðst í vikuni.

Partrolarar: Tey flestu eru til fiskarí. Øll fiska upsa. Fiskaríið er smáligt. Teir landa sum vikan líður.

Trolbátar: Fýra eru nýliga byrjaðir og allir fiska havtasku. Teir landa helst miðskeiðis ella síðst í vikuni. Vit rokna við at onkur annar trolbátur fer avstað í næstum.

Garnaskip: Trý garnaskip fiska svartkalva. Fiskiskapurin er smáligur. Allir landa síðst í vikuni.

Heinta veðurforsøgnina hjá Theyr her

Heinta alla metingina her