Meting fyri viku 5, 2021

Samandráttur.

Línuskip: Trý ísfiskalínuskip eru til fiskarí. Teir fiska mest av toski, hýsu, longu og brosmu. Vit rokna við at allir landa í vikuni. Helst fer okkurt av línuskipunum avstað í næstum. Fýra frystulínuskip er undir Føroyum og tvey eru undir Íslandi

Útróður: Streymurin er harður fyrst í vikuni, men linkar sum vikan gongur. Veðri verður hampuligt, so helst verður nakað av útróðri. Bátarnir fáa mest av hýsu og so nakað av toski.

Djúpvatnstrolarar: Ein er vestanfyri og fiskar kongafisk og ein er sunnanfyri og fiskar djúpvatnsfisk. Báðir landa í vikuni.

Partrolarar: Øll pørini eru til fiskarí, men fiskiskapurin er tíverri ikki góður. Tey landa sum vikan líður.

Trolbátar: Fimm trolbátar eru á Skeivabanka og fiska havtasku. Allir koma at landa í vikuni.

Garnaskip: Tvey fiska svartkalva og kemur at landa síðst í vikuni. Fiskaríið er vánaligt. Eitt fiskar havtasku og hevur tað brúligan fiskiskap. Tað landar miðskeiðis í vikuni.

 Heinta veðurforsøgnina her

 Heinta alla metingina her