Línuskip. Tvey stór ísfiskalínuskip og trý smærri, eru til fisarí undir Føroyum. Tey fiska mest hýsu og so nakað av toski, longu og brosmu. Vit rokna við at øll landa fyrst í vikuni. Trý frystilínuskip eru við Ísland og tvey undir Føroyum.
Útróður: Streymurin verður harður fyrst í vikuni, men batnar sum vikan gongur og veðri verður eisini nakað umskiftandi, so vit rokna ikki við so nógvum útróðri.
Djúpvatnstrolarar: Ein fiskar svartkalva, meðan hin fiskar stinglaks og annan djúpvatnsfisk. Vit rokna við at báðir landa síðst í vikuni.
Partrolarar: Seks pør eru til fiskarí, tey eru øll eystanfyri. Tey koma inn at landa sum vikan gongur.
Trolbátar: Sjey fiska havtasku eystanfyri og á Skeivabanka. Allir landa fyrst ella miðskeiðis í vikuni. Brúkiligt fiskarí.
Garnaskip: Eitt garnaskip fiskar svartkalva. Fiskaríð er brúkiligt. Eitt fiskar havtasku. Eisini tað hevur brúkiligt fiskarí. Báðir koma at landa í vikuni.