Meting fyri viku 34, 2020

Línuskip: Trý línuskip er til fiskarí, eitt er á Føroyabanka og tvey vestanfyri Føroyar. tvey landa fyrst í vikuni og eitt møguliga síðst í vikuni.

Útróður: Veðri og streymurin verður gott fyrst í vikuni, men streymurin harðnar sum vikan gongur og meir vindur, so tað verður møguliga eitt sindur av útróðri.

Djúpvatnstrolarar: Tveir er til fiskarí, ein er vestanfyri eftir kongafiski og ein er eftir stinglaksi teir landa helst síðst í vikuni. Ein norskur trolari landar svartkalva mánadagin.

Partrolarar: Fimm pør fiska upsa og eitt gulllaks, okkurt par landar mánadagin og hini seinni í vikuni.

Trolbátar: Tveir eru norðanfyri og fimm á landleiðini, tveir landa mánadagin, og hinir landa mitt ella síðst í vikuni.

Garnaskip: Tvey garnaskip er til fiskarí og fiska svartkalva. Fiskiskapurin er smáligur. Tey landa bæði í vikuni.