Samandráttur.
Línuskip: Ein er Ísland og kemur at landa miðskeiðis í vikuni. Ein fiskar á Føroya Banka og kemur nokk eisini at landa miðskeiðis í vikuni. So eru fýra onnur skip undir Føroyum og fiska. Eitt landar vantandi fyrst í vikuni, meðan tað er ivasamt um hinir landa í vikuni, tí teir eru akkurát byrjaðir túr. Skipini fiska ein blanding av toski, hýsu, longu og brosmu. Eisini fiskar eitt mest av svartkalva.
Útróður: Streymurin verður góður og veðri verður eisini brúkiligt, so vit rokna við nakað av útróðri. Fiskaríið er heldur lakari nú.
Djúpvatnstrolarar:Bara ein er til fiskarí. Hann fiskar svartkalva og kemur helst at landa síðst í vikuni.
Partrolarar: Fimm pør eru til fiskarí. Øll pørini fiska upsa. Trý pør fiska gulllaks. Skipini landa sum vikan líður.
Trolbátar: Tríggir eru á landleiðini, men helst fara hinir avstað um vikuskiftið. Ein er á Íslandsrygginum. Møguliga landar onkur mánadagin og so hinir síðst í vikuni. Teir á landleiðini fiska ein blanding av toski, tungu, reyðsprøku og havtasku, meðan tann á Íslandsrygginum fiskar mest av toski..
Garnaskip: Bara eitt garnaskip er til fiskarí og fiskar tað svartkalva. Fiskiskapurin er brúkiligur. Tað landar miðskeiðis í vikuni.
Heinta veðurforsøgnina her
Heinta alla metingina her