Meting fyri viku 13, 2023

Samandráttur.

Línuskip. Bara eitt ísfiskalínuskip er til fiskarí. Tað fiska mest av toski, hýsu og longu og kemur tað at landa á vikuni. Vantandi fer okkurt línuskip avstað í næstum. Seks frystilínuskip eru til fiskarí.Trý fiska í føroyskum sjógvi, tvey í íslendskum sjógvi og eitt í grønlendskum sjógvi. Okkurt kemur at landa í vikuni. Tey fáa ein blanding av toski, hýsu, longu, brosmu og so nakað av øðrum fiskasløgum. Helst fer okkurt frystilínuskip avstað skjótt

Útróður: Streymurin verður góður alla vikuna. Veðri verður skiftandi, so helst verður nakað av útróðri hjá teimum størru bátunum, meðan teir smærru bátarnir fáa ikki nógvar útróðradagar í vikuni.   Bátarnir fáa mest av hýsu og so nakað av toski.

Djúpvatnstrolarar: Ein er á svartkalvaveiðu. Hann er nýliga byrjaður, so tí vanta vit ikki at hann landar í vikuni. Ein frystitrolari fiskar eisini svartkalva og so er ein á beding.

Partrolarar: Tey flestu pørini eru til fiskarí og kemur okkurt parið at landa í vikuni. Øll fiska upsa, men fáa eisini eitt sløð av hvítum fiski, serliga  longu og so nakað av toski, hýsu og hvítingi. Fiskaríið kundi verði betri.

Trolbátar: Allir liggja við bryggju, men helst fer onkur avstað í næstum.  

Garnaskip: Tvey garnaskip fiska svartkalva. Fiskaríð er brúkiligt. Tvey fiska havtasku. Fiskaríið hjá teimum er eisini brúkiligt. Øll garnaskipini landa í vikuni.

Heinta veðri Windy her, frá DMI her ella Veður.fo her

Heinta alla metingina her