Línuskip: Undir Føroyum eru tvey línuskip. Ein fiskar mest av toski og hýsu, meðan hin er farin djúpt at fiska svartkalva. Báðir koma at landað í vikuni. Tvey línuskip eru undir Íslandi og kemur annað at landað miðskeiðis í vikuni, meðan hitt landar síðst ella fyrst í aðru viku. Av frystilínuskipunum er eitt á Flemish Kap og eitt er undir Íslandi. Hini frystilínuskipini liggja við bryggju. Fleiri línuskip hava lagt at pussa upp í summar.
Útróður: Streymurin harðnar, men veðri verður gott. Vit rokna tó ikki við nógvum útróðri, tí at fleiri útróðrabátar hava lagt fyri summari og so hevur bólkur 5B ongar fiskidagar eftir. Bátarnir fiska mest av toski og hýsu.
Djúpvatnstrolarar: Bara ein er til fiskarí. Hann er á Íslandsrygginum og fiskar mest tosk og so eitt sindur av svartkalva. Hann landar miðskeiðis í næstu viku.
Partrolarar: Bara eitt par er til fiskarí (fríggjadag 26/07). Trý pør fiska gulllaks.
Trolbátar: Tríggir eru noðanfyri og fiska tosk og hýsu. Vantandi landa teir miðskeiðis í vikuni.
Garnaskip: Tvey garnaskip fiska svartkalva. Annað frystir fiskin, meðan hitt ísar fiskin umborð. Fiskaríið er smáligt. Eitt er úti og setur svartkalvagørnini og byrja so at fiska eftir Ólavsøku.
Heinta alla metingina her