Meting av tilfeinginum fyri viku 44, 2017

Samandráttur:

Línuskip: Tvey eru á Íslandsrygginum, fáa mest av toski og so nakað av svartkalva og blálongu. Annað landar mánadagin og hitt miðskeiðis í vikuni. Tvey línuskip fiska mest av longu. Annað kemur at landa fyrst í vikuni, meðan tað er meira ivasamt um hitt landar hesa vikuna. So er eitt línuskip við Ísland, men tað er nýliga byrjað túr, so vit vantað ikki at tað landar hesa vikuna. Restin liggur við bryggju, men fara helst út í næstum. Av frystilínuskipunum eru tvey til fiskarí, annað undir Føroyum og hitt við Grønland.

Útróður: Streymurin verður brúkiligur fyrst í vikuni og veðri verður hampuligt, so tá vantað vit nakað av útróðri. Seinni í vikuni er meira ivasamt við veðrinum og streymurin harðnar, so vantað vit lítið av útróðri.

Djúpvatnstrolarar: Ein fiskar svartkalva og kemur helst at landa fyrst í vikuni. Hinir fiska allir upsa, men eru nýliga byrjaðir túr ella fara avstað í næstum, so tí er ivasamt um nakar landar í vikuni. Teir, sum frysta fiskin umborð, fiska allir svartkalva.

Partrolarar: Teir flestu eru úti og koma at landa sum vikan líður. Fiskaríið er á einari leið. Eitt par á rygginum og fiskar tosk og nakað av kongafiski og blálongu.

Trolbátar: Allir liggja við bryggju, men fara nokk út tá veðri fer at batna.

Garnaskip: Trýggir fiska svartkalva og koma allir at landa síðst í vikuni. Fiskaríið er brúkiligt.

Heinta alla metingina her